نشر مؤخرا موقع قصر الأخبار هذه الرسالة التي كتبها الدكتور إبراهيم الأحمر متوجها بها للسيد رئيس الحكومة
سيدي الرئيس سررت كثيرا يوم اعلانكم أن من بين شعارتكم هو إعادة ثقة التونسي في بلادو. فانطلقت على حينها إلى وزارة التعليم العالي والبحث العلمي للمطالبة بتطبيق 2 أحكام محكمة إدارية تتعلق بالقيام بتربص ( اي نعم في تونس بش تقوم بتربص لازمك تمشي للمحكمة الادارية) و هناك كانت المفاجأة حيث تم استقبالي من طرف الوزير شخصيا مرفوقا برئيس الديوان و السيد كاتب الدولة و قدموا لي وزملائي المعطلين مثلي عن تأخر الوزارة في تطبيق قرار المحكمة الادارية ( تأخير مش طويل أما قريب عامين) و تم إصدار قرار وزاري يقضي با دماجي انا و زملائي في تربص بإحدى المستشفيات. وفي الحين بادر إلى ذهني خطاب السيد رئيس الحكومة الي لقراية هي الي توصل والشعب يرجع يحلم. سيدي الرئيس الشعب على طول يحلم و ما يحبش يقوم مالحلم ويلقى روحو كل يوم ماشي جاي على الوزارة و الإجابة العجيبة من عند موظف في الوزارة الي المسؤولين مينجموش يقابلو خاطر عندهم برشا مشاكل متع مواطنين( نحنا ماناش محسوبين مواطنين ) والموضوع تحت الدرس ( وزارة تدرس قرار محكمة ادارية).
تي هاي طلعت الدولة ماعندها ش ثقة في الدولة بما اني الوزارة تدرس في حكم محكمة ادارية يعني ضمنيا مش مستعرف بيه. سيدي الرئيس الثقة ترجع في مؤسسات الدولة كي نطبقو القانون وكل واحد ياخذ حقو.
بكلنا نحبو نا قفو لتونس أما الإدارة موش حابة سيدي الرئيس .
بقلم د. إبراهيم الاحمر
