تداول مستخدمو مواقع التواصل الاجتماعى مقطع فيديو لتكدس الطلاب داخل أحد الفصول بمدرسة الأهرام بالقرب من ميدان الرماية بالهرم.
وأظهر الفيديو الذى نشرته إحدى المعلمات تكدس وزحام بين الطلاب، لعدم وجود أماكن الفصل، ولجأ التلاميذ إلى الجلوس على الأرض وبعضهم من جلس على مقعد زملائه فى مشهد مؤسف لحالة العملية التعليمية بعد أول أسبوع دراسى.
وقال صاحبة الفيديو تعليقاً على المقطع، "صباح الخير يا وزير التربية والتعليم وآسفة اني هجرح مشاعرك يا فندم بالفيديو ده".
وأضافت، "دي مدرسة الأهرام بناحية ميدان الرماية بالهرم، زيها زي مدارس حكومي كتير بيروحوها ولاد الغلابة الي أهاليهم معندهومش فلوس يرحموهم من العذاب ده ويدخلوهم مدارس خاصة".
وتابعت "130 طفل فى الفصل، أربعة أو خمسة على كل ديسك، أطفال ملهاش مكان غير انهم يقعدوا فوق الديسك وزملاءهم مش بيعرفوا يكتبوا، وأطفال اخرين حظهم أتعس مفترشين الأرض أو قاعدين على بستلة بلاستيك مقلوبة ضهرهم لحائط بارد برودة وقسوة أيامهم وواقعهم اليومي الذي هم مضطرون لمعايشته، الشتاء داخل علينا يا سيادة الوزير، وعايزاك تشوف منظر الطفلة اللى على الأرض دي واعتبرها حفيدتك ويا ريت قلبك يحن".
